گفتگو با طالبان برای تشکیل دولت فراگیر را آغاز کرده ام

نخست وزیر پاکستان با انتشار پیامی توییتری از آغاز مذاکرات با طالبان برای تشکیل دولتی فراگیر در افغانستان خبر داد.

- بر اساس این گزارش، عمران خان در صفحه توییتر خود نوشت: پس از مذاکرات در دوشنبه با رهبران همسایگان افغانستان و به ویژه گفتگوی طولانی با امامعلی رحمان ، رییس جمهور تاجیکستان، من با طالبان گفتگو برای تشکیل یک دولت فراگیر در افغانستان شامل تاجیک ها، هزاره ها و ازبک ها را آغاز کرده ام.

وی در ادامه پیام خود آورد: پس از 40 سال درگیری، این فراگیری (در ساختار دولت) صلح و ثبات افغانستان را تضمین می کند، که (این موضوع) نه تنها به نفع افغانستان بلکه به نفع منطقه است.

لازم به ذکر است، امامعلی رحمان رییس جمهور تاجیکستان و عمران خان نخست وزیر پاکستان امروز طی یک نشست مطبوعاتی اعلام کردند که از تلاش برای میانجیگری در روند مذاکرات میان طالبان و جبهه پنجشیر استقبال می کنند و حتی شهر دوشنبه- پایتخت تاجیکستان –آمادگی میزبانی از این نشست را دارد.

نخست وزیر پاکستان در این باره گفت: ما توافق کردیم که تاجیکستان با رهبران پنجشیر و پاکستان با طالبان صحبت کند تا هر چه سریع تر پای میز مذاکره در دوشنبه بنشینند.

رییس جمهور تاجیکستان نیز تاکید کرد که او و نخست وزیر پاکستان به میانجیگری در مذاکرات کمک خواهند کرد.